Ek 18 saal ke ladke ne socha — agar har badi company online aa sakti hai, toh chhoti local dukaan kyun nahi? Aur phir ThodaLocal bana.
India mein lakho chhote local stores hain — sabzi wale, halwai, kirana stores, salons. Par inki koi online presence nahi. Log inhe dhundh nahi sakte. Trust nahi kar sakte. Aur yeh stores slowly band ho rahe hain.
Doosri taraf — users ko nahi pata ki unke area mein kaun sa store hygienic hai, safe hai, genuine hai. Koi guarantee nahi. Koi transparency nahi.
ThodaLocal yahi fix karta hai.
Har local store — chahe kitna bhi chota ho — ThodaLocal pe list ho sakta hai. Par sirf list hona kaafi nahi. Har store ko hamare hygiene verification se guzarna padta hai. Sirf verified stores ko badge milta hai.
Users live camera feed se dekh sakte hain apna order pack hote hue. 100% transparency. Aur hamare apne verified delivery network se order seedha ghar tak pahunchta hai.
ThodaLocal RYC Corporation ki pehli company hai — ek holding company jo multiple industry-defining ventures build kar rahi hai.
Main 18 saal ka hoon. Abhi 12th pass kiya hai. BTech shuru hone wala hai. Mere paas 0 rupees the jab maine yeh shuru kiya. Koi co-founder nahi. Koi investor nahi. Koi family support nahi.
Par mere paas ek vision hai — RYC Corporation ko ek real empire banana. Ek holding company jiske andar multiple world-class companies hongi.
ThodaLocal sirf pehla kadam hai. Aur yeh kadam maine khud uthaya — ek laptop, internet, aur ek sapne ke saath.
— Founder, RYC Corporation